Corc Oruell – Heyvanıstan

Corc Oruell – Heyvanıstan
--------------------------​-------

“Bütün heyvanlar bərabərdirlər, lakin bəziləri digərlərindən daha çox bərabərdirlər” – bu yəqin Corc Oruellin inqilabi ümidlərinin dağılması haqqında olan klassik bənzətməsindən ən məşhur ifadədir. “Heyvanıstan”ın tragik mənası parodiyalarla əks olunur. Bu kitabda Oruell hələ 1936-cı ildə qarşıya qoyulmuş hər iki məsələni yerinə yetirir: həm “sovet mifini ifşa edir”, həm də “siyasi nəsri sənət əsərinə çevirir”. Kitab 1945-ci ildə işıq üzü görür.

Ətrafda müşahidə etdiklərini kitabda oxumaq xüsusi toxunur. Ədəbiyyat dərslərində həmişə deyirdilər: “yaxşı yazıçı o insandır ki, yazdıqları illər keçsə də aktuallığın itirməsin”. Bu da o deməkdir ki,
cəmiyyət dəyişmir. Hər gün insanoğlunun ambisiya və istəklərinə daha çox heyran oluram.Hər bir insanın daxilində var insani və heyvani keyfiyyətlər. Dar düşüncə və məhdud bacarıqlar şəraitində insan ikinciyə meyil edir. Bu kitab haqqında heç bir fikrə sahib olmayan insan üçün də oxuyanda sovet rejimini xatırladar, indi də fərqli heç nə yoxdu. Antiutopiya olsa da reallığı əks etdirir. Çoxlu sayda karikaturaların məcmusuna bənzəyir. Gözəl satira və metaforadır.

--------------------------​-------

Kitabi yukle:
Azerbaycan dilinde - Bu linke klikle